Գերմանիայի պատմության թանգարանը համացանցում տեղադրել է Գերման Գերինգի արվեստի ստեղծագործությունների հավաքածուի արխիվը: Թանգարանի կայքում հաշվարկված են ընդհանուր առմամբ չորս հազար ցուցանմուշներ։
Ինչպես նշում է գերմանական Spiegel պարբերականը, Գերինգի հավաքածուն այնքան մեծ է, որ նրանով կարելի է ուսումնասիրել արվեստի պատմությունը: Այդ հավաքածուում, որը նա սկսել է հավաքել 1920-ական թվականներից, կտավներ կան Դյուրերից և Ռուբենսից մինչև Պիկասո և Մատիս:
Թանգարանի մտահղացմամբ` տվյալների բազան պետք է կարևոր հիմք ծառայի աշխատանքների ծագումը պարզելու համար: Հույս կա, որ արխիվը կարող է օգնել բացահայտել մի քանի խոշոր գողություններ:
Առաջին անգամ Գերինգի հավաքածուի ստեղծագործությունները նկարագրվել են 2009 թ., երբ ամերիկացի հետազոտող Նենսի Յաիդեն, ով այդ գործով զբաղվել է յոթ տարի, կատալոգ է հրատարակել, որում եղել է գրեթե 1900 նկար: Այդ ժամանակ իրականացվել է հավաքածուի մի մասի, մասնավորապես գեղանկարների նկարագրությունը:
Գերինգը հավաքել է նաև քանդակներ, զենքեր, գոբելեններ, մետաղադրամներ, նկարներ: Հիմա տվյալների բազայում հաշվարկվում է շուրջ 4263 աշխատանք։
