Այսօր տեղի է ունենալու ՀՀԿ Գործադիր մարմնի նիստ:
«Երկիր»-ի տեղեկություններով՝ օրակարգում է մարզպետների նշանակման հարցը:
«Ինչպես նախկինում ենք նշել, այսօր ևս հայտնում ենք, որ ՀՀԿ-ական մարզպետները վերանշանակվելու են: Իսկ վերանշանակման պրակտիկա ՀՀԿ-ում կա. հիշեցնենք, որ ավելի վաղ վերանշանակվել էին ՀՀԿ-ական նախարարները:
Ինչպես նախարարների, այնպես էլ մարզպետների նշանակման դեպքում տրամաբանությունը նույնն է՝ փորձած թանն անփորձ մածնից լավ է:
Արդեն հստակ է, որ Գեղարքունիքի մարզպետ է նշանակվելու Աժ ՀՀԿ խմբակցության պատգամավոր, ՀՀԿ Գեղարքունիքի տարածքային կազմակերպության խորհրդի նախագահ Ռաֆիկ Գրիգորյանը: Նա թեև երեկ մեր թղթակցի հետ զրու¬ցում կրկնեց, որ նման հարց չի քննարկվել, իրեն նման առաջարկություն չի եղել, ու թեև ինքն իրեն խորհրդարանում լավ է զգում, բայց եթե կուսակցությունը որոշի, որ պետք է մարզպետ լինի՝ միանշանակ կլինի մարզպետ:
Վայոց ձորի մարզպետի թեկնածուները երկուսն են: Այս պաշտոնի համար երկմտում են՝ նշանակել Վայքի քաղաքապետ Հարություն Սարգսյանի՞ն, թե՞ ՀՀԿ Վայոց ձորի տարածքային կազմակերպության խորհրդի նախագահ, մարզպետի տեղակալ Սամվել Թարվերդյանին»:
