Ադրբեջանական Trend լրատվական գործակալության փոխանցմամբ՝ Վրաստանի նախագահի մամլո քարտուղար Մանանա Մանջգալաձեն հերքել է Facebook սոցցանցում տարածված այն տեղեկությունը, թե Վրաստանի նախագահ Միխեիլ Սաակաշվիլին հիվանդության պատճառով հոսպիտալացվել է:
Սաակաշվիլիի հոսպիտալացման մասին տեղեկատվությունը սոցցանցերում հայտնվել է այսօր: Դրանում նշված է, որ Սաակաշվիլին անհայտ պատճառներով գտնվում է ծանր վիճակում և տեղափոխվել է հիվանդանոց: Սակայն Մանջգալաձեն հայտարարել է, որ Սաակաշվիլին իրեն հիանալի է զգում և շարունակում է այցելել երկրի շրջաններ (Ռուսթավի):
