Կալիֆոռնիական Times-Standard թերթի խմբագրությունը կանգնեցրել է նոր համարի տպագրությունը, երբ պարզ է դարձել, որ պարբերականի առաջին էջի վրա հայտնվել է ոչ ցենզուրային F*сk you արտահայտությունը:
Times-Standard-ի առաջին էջին տպվել են համալսարանի շրջանավարտների նկարները: Երբ տպագրվել են թերթի 6 հազար օրինակները, խմբագրության աշխատակիցներն ուսանողուհիներից մեկի արևային ակնոցի վրա նկատել են ոչ ցենզուրային արտահայտությունը։ Դրանից հետո համարի տպագրությունը կանգնեցվել է, իսկ մյուս 10 հազար օրինակներում ակնոցի գրությունը սև գույնով է ներկվել:
Times-Standard-ի խմբագիր Դեյվիդ Քութան հայտարարել է, որ ստացել է միայն մեկ բողոք ընթերցողներից և չի պատրաստվում թերթում ոչ մի ներողություն խնդրել, եթե գործը մեծ աղմուկ չբարձրացնի:
Times-Standard օրաթերթը հիմնադրվել է 1967 թվականին:
