Գերմանական լրատվամիջոցները հայտնում են, որ Մյունխենի «Բավարիա»-ն բանակցություններ է սկսելու «Բարսելոնա»-ի նախկին գլխավոր մարզիչ Խոսեպ Գվարդիոլայի հետ: Նշվում է, որ մյունխենյան ակումբի ղեկավարները մասնագետին առաջարկում են գլխավորել թիմը 2013/14 թվականների մրցաշրջանում:
«Բավարիա»-ի ներկայիս գլխավոր մարզիչ 67-ամյա Յուպ Հայնկեսի` ակումբի ղեկավարների հետ ստորագրած պայմանագրի ժամկետը լրանում է 2013 թվականի հունիսին:
Իսպանիայի Գավաթի խաղարկության եզրափակչից առաջ գերմանական գրանդի մարզական գծով տնօրենը հանդիպում է ունեցել մասնագետի եղբոր հետ: Իսկ «Բավարիա»-ի նախագահ Ուլի Հյոնեսը հայտարարել է, որ Գվարդիոլան գերմանական ակումբի համար իդեալական մարզիչ կլիներ, եթե գերմաներենի տիրապետեր:
