Պակիստանի Փենջաբ մարզի ոստիկանության պետը իր հաստափոր ենթականերին կարգադրել է արագ կերպով նիհարել:
Ինչպես հաղորդում է Express Tribune-ը, Փենջաբի ոստիկանության գլխավոր տեսուչ Հաբիբուր Ռեհմանի կարգադրության համաձայն՝ մարզի 175 հազար ոստիկաններից յուրաքանչյուրի մեջքի հաստությունը պետք է լինի 96.5 սմ-ից ոչ ավելի: «Ես դիետա եմ պահում և կարողացա դա անել: Ինչո՞ւ դուք չեք կարող»,- ասել է Ռեհմանը:
Փենջաբի ոստիկանության պաշտոնական ներկայացուցիչը հայտնել է, որ իրավապահ գերատեսչությունում ավելորդ քաշ ունի ոստիկանների 50%-ը, իսկ մայրաքաղաք Իսլամաբադի մոտ գտնվող Ռավալլինդի քաղաքում՝ 77%-ը:
«Ոստիկանության ծանրաքաշ սպաները արդյունավետ չեն, նրանք չեն կարող, ինչպես հարկն է, հետևել ավազակներին, կողոպտիչներին և այլ հանցագործների»,- ասել է գերատեսչության ներկայացուցիչը:
Ոստիկանության պետի կարգադրությամբ ենթակաները պետք է նիհարեն մինչև ամսվա վերջ: Դրա համար նրանց խորհուրդ է տրվում այցելել մարզասրահներ, վազել և սահմանափակել սնունդը: Կարգադրությանը չենթարկվողներին սկզբում կարգելեն դուրս գալ ծառայության, իսկ հետո կհեռացնեն աշխատանքից:
