«Առաջին ալիքի» հեռուստահաղորդավար Վլադիմիր Պոզները կարծում է, որ հայրենական հեռուստատեսությունում պետք է շատ լինեն այնպիսի ալիքներ, որտեղ յուրաքանչյուր լրագրողի համար կարևոր կլինի ոչ թե իր անձնական կարծիքն արտահայտելը, այլև հեռուստադիտողին հնարավորինս շատ, բազմակողմանի, օբյեկտիվ տեղեկություն տալը` զուրկ անձնական նախասիրություններից:
Այդ մասին Պոզները գրել է «Ում է պետք ընդդիմադիր հեռուստատեսությունը» հոդվածում, որը տեղադրված է նրա անձնական կայքում: «Գտնում եմ, որ ինչքան շատ լինեն տեղեկատվության տարբեր աղբյուրները, այդքան լավ: Հույս ունեմ, որ դա կլինի տեղեկատվական ալիք, այլ ոչ թե հերթական ալիք, որի նպատակը մի քանի մարդկանց կարծիքը տարածելն է»,- նշել է նա:
«Ես կասկածներ ունեմ, թե՛ նրանց մասնագիտական մակարդակի վերաբերյալ, ովքեր այդտեղ կաշխատեն, և թե՛ տեղեկության բովանդակության առնչությամբ, որը կմատուցվի այդ ալիքով: Ալիքը չպետք է լինի զուտ քաղաքական: Սակայն, այնուամենայնիվ, ես սատարում եմ այդ գաղափարին, թող փորձեն»,- գրել է Պոզները:
Ավելի վաղ հաղորդվում էր, որ ընդդիմությունն աշնանը պատրաստվում է իր այլընտրանքը ներկայացնել դաշնային հեռուստաալիքներին, և ստեղծում է իր` համացանցային հեռուստաալիքը:
Նոր հեռուստաալիքի ֆինանսավորումը կլինի հեռուստադիտողների հաշվին:
