Անվտանգության քաղաքականության մյունխենյան համաժողովում Վրաստանի նախագահ Միխեիլ Սաակաշվիլին հայտարարել է, որ իր երկրի տարածքում առկա հակամարտությունները դուրս են միայն Վրաստանի շահերի շրջանակներից և համաշխարհային անվտանգության համար սպառնալիք են ներկայացնում:
Վրաստանի փոխարտգործնախարար Նինո Կալանդաձեն, մեկնաբանելով նախագահի ելույթը, ասել է, թե աշխարհը համոզվել է, որ սառեցված հակամարտությունները կտրուկ կարող են վերածվել պատերազմի, ինչը կարող է ճակատագրական հետևանքներ ունենալ,- գրում է Грузия-online-ը:
Մյունխենում իր ելույթի ժամանակ Սաակաշվիլին ուշադրություն է հրավիրել Հարավային Կովկասի՝ որպես էներգետիկ միջանցքի վրա և կոչ արել միջազգային հանրությանը ժամանակին արձագանքել սառեցված հակամարտությունների գոտիներում տեղի ունեցող գործընթացներին, որպեսզի դրանք չվերածվեն թեժ կետերի: