Ավստրիացի քաղաքական գործիչը կարող է 20 հազար եվրո փոխհատուցում ստանալ այն պատճառով, որ տեսախցիկը նկարահանել է, թե ինչպես է նա սիրով զբաղվում անտառում: Ինչպես հաղորդել է Der Spiegel-ը, դրա համար դատարանը պետք է հաստատի, որ «տեսախցիկը ներխուժել է նրա անձնական կյանք»:
Դեպքը տեղի է ունեցել Կարինտիա շրջանում: Տեսախցիկները, որոնց միջոցով կենդանիների պաշտպանները և որսորդները հետևում են վայրի բնությանը, հունիսի կեսերին նկարահանել են քաղաքական գործչին… սիրով զբաղվելու ժամանակ: Նրա անունը և տեսանյութից կադրեր չեն հրապարակվել: Հստակ հայտնի չէ նաև, թե արդյոք նա կդիմի՞ դատարան փոխհատուցում ստանալու համար:
Ինչպես նշել է որսորդների համայնքի փաստաբանը, դա տեղի է ունեցել անտառի առանձին մասում որտեղ արգելվում է մարդկանց զբոսնել և հետևաբար` կենակցել:
Դրա հետ մեկտեղ Arge Daten կազմակերպության ղեկավար Հանս Ցեգերը հանդես է եկել քաղաքական գործչի պաշտպանությամբ: Նա հայտարարել է, որ վտեսահսկողություն սահմանելու համար որսորդները պետք է հատուկ թույլտվություն ունենան, իսկ տեսախցիկները պետք է ունենան ճանաչողական նշաններ, որպեսզի անտառի այցելուները կարողանան խուսափել դրանցից:
