Բիրմայի ընդդիմության առաջնորդ Աուն Սան Սու Չժին հայտնել է BBC-ին, որ վերջերս երկրում տեղի ունեցած բուդդայականների և մահմեդականների բախումների հետևանքով զոհեր ունենալուց կարելի էր խուսափել, եթե երկրում օրինականություն տիրեր:
Այսօր Աուն Սան Սու Չժին 22 տարի անց առաջին անգամ դուրս է եկել երկրի սահմաններից այն բանից հետո, երբ դեռ 1991-ին Օսլոյում Նոբելյան մրցանակի էր արժանացել:
BBC-ին տված հարցազրույցում նա հայտարարել է, որ այն նահանգներում, որտեղ անկարգություններ են բռնկվել, իշխանությունները պետք է գործեին ըստ օրենքի հենց այն ժամանակ, երբ տեղի էր ունեցել հանցագործությունը, որը երկու համայնքների խաղաղ կեցության խաթարման պատճառ էր դարձել:
Բանգլադեշի սահմանային նահանգում անկարգություններ են սկսվել մի քանի շաբաթ առաջ` բուդդայական կնոջ բռնաբարությամբ և սպանությամբ: Դա տեղի էր ունեցել, երբ հարձակում էր եղել մահմեդականներին տեղափոխող ավտոբուսի վրա: Բախումների հետևանքով արդեն մահացել է մոտ 50 մարդ:
