Apple ընկերության համահիմնադիր Սթիվ Ջոբսը միջամտել է Բարաք Օբամայի ընտրական շտաբին՝ ասելով, որ Սպիտակ տունն ամեն ինչ սխալ է անում նախագահին վերընտրելու գործում:
«Անցած անգամ դուք արշավն իրականացնում էիք միայն երկու ուղիով,- իրեն ուղղված Ջոբսի խոսքերը մեջբերել է Սպիտակ տան քաղաքական խորհրդական Ջիմ Մեսինան՝ նկատի ունենալով ինտերնետն ու էլեկտրոնային փոստը,- այս անգամ դուք պետք է կիրառեք ավելի լայն ալիքներ՝ Facebook-ը, Tumblr-ը, Twitter-ը, YouTube-ը և Google-ը, քանի որ մարդիկ հիմա բաժանված են տարբեր ճանապարհներում, քան 4 տարի առաջ»:
Նրա քննադատությունը հանգեցել է նրան, որ Օբամայի քարոզարշավը հիմնվել է հավակնոտ ծրագրի վրա, որն ընդգրկում է ընտրողնրի հետ կապ սոցիալական ցանցերի միջոցով: Անցած տարվա հոկտեմբերին մահացած Ջոբսը երկու երկարատև խոսակցություն է ունեցել Մեսինայի հետ, որին Օբաման խնդրել է դառնալ 2012-ի իր քարոզարշավի մենեջերը:
Սթիվ Ջոբսի կենսագրականում, որը հրապարակվել է նրա մահից անմիջապես հետո Ուոլթեր Այզաքսոնի կողմից, պատմում է այն մասին, որ 2010 թվականին Սան Ֆրանցիսկոյում Ջոբսը Օբամային ասել է, որ հաջորդ ժամկետում վերընտրվելու համար պետք է ավելի «բիզնես-ընկերական» քաղաքկանություն որդեգրել: Ինչպես նշում է The Daily Mail-ը, Օբաման անտեսել է տեխնոլոգիական հանճարի խորհուրդը, մինչդեռ Մեսինան իրեն ուղղված խորհուրդը «սրտին շատ մոտ է ընդունել»:
Մեսինային իրենց խորհուրդներով օգնել են նաև Google-ի գործադիր ղեկավար Էրիկ Շմիդտը և ռեժիսոր Սթիվեն Շպիլբերգը:
