ՄԱԿ-ի գլխավոր քարտուղարի՝ ցեղասպանության կանխման հարցերով հատուկ խորհրդականները կոչ են արել անհապաղ գործողություններ սկսել՝ Սիրիայում զանգվածային սպանությունները կանխելու համար:
Ինչպես հաղորդում է Rosbalt գործակալությունը՝ վկայակոչելով ՄԱԿ-ի մամուլի ծառայությանը, խորհրդականներ Ֆրենսիս Դենգը և Էդվարդ Լաքը «կոչ են արել միջազգային հանրությանը՝ շուտափույթ վճռական գործողություններ ձեռնարկել, որպեսզի իրենց պարտքը կատարեն բնակչությանը պաշտպանելու համար՝ Սիրիաում հետագա դաժան հանցագործություններին ընդառաջ ուշադրություն դարձնելով գործիքների այն ամբողջ հավաքածուին, որը հասանելի է ըստ ՄԱԿ-ի կանոնադրության»:
Դենքը և Լաքը Սիրիայում զանգվածային սպանությունների պատասխանատվությունը դրել են Սիրիայի իշխանությունների վրա՝ չնայած տեղեկություններ կան, որ դրանցում մասնակից են հակակառավարական խմբերն ու ահաբեկիչները:
«Այդ հաշվեհարդարներն ընդգծում են կառավարության ակնհայտ անկարողությունը՝ պաշտպանել սեփական բնակչությանը»,- ասվում է հաղորդագրության մեջ:
Մյուս կողմից՝ ՄԱԿ-ի գլխավոր քարտուղարի հատուկ խորհրդականները կոչ են արել Սիրիայի հակամարտող եկու կողմերին՝ դադարեցնել բռնությունը և մարդու իրավունքների խախտումները: Նրանք նաև խնդրել են ՄԱԿ-ի մարդու իրավունքների հարցերով գլխավոր հանձնակատարին՝ Սիրիայում տեղի ունեցող իրադարձությունների գործը հանձնել Միջազգային քրեական դատարան:
«Բռնության աճի և երկպառակությունների խորացման հետ բարձր է մնում հետագա զանգվածային վայրենությունների ռիսկը: ժամանակն է գործել հենց հիմա»,- ասել են նրանք:
Հիշեցնենք, երեք ՄԱԿ-ի դիտորդները մտել են Հաֆֆա քաղաք, որտեղից վերջին օրերին լուրեր էին ստացվում խաղաղ բնակիչների սպանությունների մասին: Դիտորդների հայտարարության մեջ նշվում է, որ քաղաքն ամբողջությամբ ամայացած է, պետական հաստատությունների մեծ մասը, այդ թվում՝ փոստը, ներսից հրդհեհված է, իսկ բնակելի տները՝ ավերված:
