Բրուկլինի 18-ամյա բնակիչ Ռոբերտ Սալոն ընդամենը մեկ ակնթարթում կարողացել է իր համար անհոգ ապագա ապահովել: Նա դարձել է «Մինչև կյանքի վերջը՝ շաբաթական 1000 դոլար» ակնթարթային վիճակախաղի հաղթող:
Նա տոմսը 2 դոլարով գնել էր լցակայանի տարածքից: «Ես չհավատացի իմ աչքերին: Նույնիսկ ստիպված եղա կանգնեցնել մեքենան, որպեսզի ուշքի գամ»,- պատմել է տղան: Սալոն ծրագրում է բարձրագույն կրթություն ստանալ, ինչի վրա էլ առաջիկա մի քանի տարին կծախսի գումարը:
Ամերիկյան լրատվամիջոցները հաշվարկել են, որ եթե Սալոն ապրի 80 տարի (ամերիկյան մեգապոլսում դա կյանքի միջին տևողությունն է), ապա նրա «եկամուտը» կկազմի շուրջ 3 մլն դոլար:
Սալոն դարձել է այս վիճակախաղի ամենաերիտասարդ հաղթողը: Կազմակերպիչների խոսքով՝ 8 միլիոն տոմսերից միայն մեկն է շահող:
