Գլենդելի Van Nuys թաղամասի բնակիչը ձերբակալվել է հարսանեկան արարողության ժամանակ կռիվ սարքելու համար: Դեպքը տեղի է ունեցել հանգստյան օրերին հանդիսությունների Dream Palace սրահում: Ծեծկռտուքին միջամտել են Գլենդելի ոստիկանության երկու աշխատակիցներ, որոնց ծեծկռտուքի «հեղիանկը» փորձել է ծունկի բերել: Կարպիս Թերմենձյանի դեմ կառաջադրվեն ծեծի և վանդալիզմի մեղադրանքներ:
Զանգի նշած հասցեով մեկնած ոստիկանները 36-ամյա Կարպիս Թերմենձյանին բերման են ենթարկել շաբաթ օրը: Անհայտ պատճառով բռնկված ծեծկռտուքը զանգվածային է եղել: Նրանում ընդգրկված է եղել 100 մարդ:
Ոստիկանության սերժանտ Թոմ Լորենսի խոսքով՝ Թերմենձյանը թքել է ոստիկաններից մեկի վրա և փորձել ծնկի բերել իրավապահներին, այնուհետև ոտքով հարվածել է պարեկային ոստիկանության մեքենայի ապակիներին:
Ոստիկանները հարբածության պատճառով ձերբակալել էին հարսանիքի ևս մեկ մասնակցի՝ 22-ամյա Սպարտակ Կարապետյանին, սակայն հաջորդ օրն ազատ են արձակել: Ականատեսները իրավապահներին պատմել են, որ վեճի ընթացքում մասնակիցները դանակ են վերցրել իրենց ձեռքը:
Տուժած հյուրերի մի մասը հրաժարվել են բուժօգնությունից: 27-ամյա տղամարդու վերնաշապիկի վրա հայտնաբերվել են արյան հետքեր: Նա ոստիկաններին պատմել է, որ կռվի ժամանակ աթոռով հարվածել են իր գլխին:
Կիրակի Թերմենձյանը գրավի դիմաց ազատ է արձակվել:
