Ֆրանսիայում բուռն կերպով քննարկում են նախագահ Ֆրանսուա Օլանդի ընկերուհու՝ Twitter-ում նախօրեին արված գրառումը։ Վալերի Տրիելվեյլերը աջակցություն է հայտնել Լա Ռոշել քաղաքում պատգամավորական աթոռի համար պայքարող Օլիվյե Ֆարլոնին։ Այս հայտարարությունը արտառոց չէր համարվի, եթե Ֆարլոնի հետ պատգամավորական աթոռի համար չպայքարեր Տրիելվեյլերի ներկայիս ընկեր, նախագահ Ֆրանսուա Օլանդի նախկին կինը՝ Սեգալեն Ռուայալը։ Այս մասին հաղորդում է «Ազատություն» ռադիոկայանը։
Ավելի վաղ Օլանդն աջակցություն էր հայտնել իր նախկին տիկնոջը, իսկ Ֆարլոնին, ով հրաժարվել էր հանել իր թեկնածությունը հօգուտ Ռուայալի, զրկվել էր Սոցիալիստական կուսակցության իր տոմսից։
Նշվում է, որ առաջին փուլից հետո Ռուայալը չնչին առավելություն ունի Ֆարլոնիի նկատմամբ։ Շատ մեկնաբաններ Վալերի Տրիելվեյլերի գործողությունները բացատրել են խանդով, քանի որ եթե Ռուայալը հաղթի այս ընտրություններում, ապա պայքարելու է խորհրդարանի խոսնակի պաշտոնի համար։