Վիկտոր Դալլաքյանը այսօր Ազգային ժողովում տեղի ունեցած հարցուպատասխանի ժամանակ հարց ուղղեց կառավարությանը, որը վերաբերում էր արտագաղթին: «Սա դեմոգրաֆիական կատաստրոֆա է։ Անկախության ողջ ժամանակահատվածում ՀՀ-ից արտագաղթածերի թիվը համարժեք է եղեռնի ժամանակ սպանվածների թվին՝ 1,5 մլն մարդ»,- ասաց պատգամավորը եւ հարցրեց, թե ինչ է անում կառավարությունը դրա դեմն առնելու համար։ Նրա հարցին պատասխանեց վարչապետ Տիգրան Սարգսյանը՝ ասելով, որ այն Հայաստանի ամենամեծ խնդիրներից է։ «Վերջին տարիների ընթացքում տեսնում ենք, որ արտագաղթի տեմպերը կտրուկ նվազել են, ԱԱ ռազմավարության տեսանկյունից մշակվող հայեցակարգը նպատակ ունի բարձրացնել կենսամակարդակը, պայմաններ ստեղծել, որ մեր հայրենակիցները վերադառնանան հայրենիք»,- հայտարարեց նա։ Ըստ Սարգսյանի՝ վերջին շրջանում Միջին Ասիայից հայրենակիցները վերադառնում են հայրենիք։ Բացի այդ, իրականացվում են այլ ծրագրեր եւս։