Ֆրանսիայի պաշտպանության գնումների գործակալությունը (DGA) մինչև 2012թ. վերջը կներկայացնի զրահապատ հետևակի մարտական մեքենաներ` ԲՄՊ-ներ(VBCI), որոնք մշակված են «ապագայի զինվորների» (Fantassin a Equipements et Liaisons Integres, FELIN) համար: Այս մասին նշված է գերատեսչության կայքում:
DGA-ի տվյալներով` նոր զրահապատ մեքենաները հարմար են մարտկոցների լիցքավորման համար, հագեցած են կապի ժամանակակից համակարգերով ու այլ սարքավորումներով:
ԲՄՊ-ն ունի 25 միլիմետրանոց թնդանոթ: VBCI-ի նոր մոդիֆիկացիայի շնորհանդեսը տեղի կունենա Eurosatory-2012 զենքի միջազգային ցուցահանդեսի շրջանակում, որն անցկացվում է հունիսի 11-15-ը Փարիզում:
«Ապագայի զինվորների» հանդերձանքը մշակված է 25 ընկերությունների կողմից` ֆրանսիական Sagem-ի գլխավորությամբ:
Հանդերձանքի կազմի մեջ է մտնում զենք-զինամթերք, պաշտպանիչ սաղավարտ 2 դիսփլեյով ու միկրոֆոնով, լափթոփ, նավիգացիայի ու կապի միջոցներ, մարտկոցներ: Հանդերձանքը կշռում է 25 կգ:
Բացի Ֆրանսիայից` «ապագայի զինվորների» հանդերձանքի մշակմամբ զբաղվում է մի քանի երկիր՝ ներառյալ Գերմանիան, Իսպանիան, Մեծ Բրիտանիան ու Ռուսաստանը:
