ԱՄՆ ֆինանսների նախարար Ջոն Բրայսոնը անաշխատունակության թերթիկ է վերցրել այն բանից հետո, երբ հանգստյան օրերին հայտնվել է միանգամից երկու ավտովթարներում: ԱՄՆ նախագահ Բարաք Օբամայի ներկայացուցիչ Ջեյ Քարնիի խոսքերով՝ նման որոշում նախարարն ընդունել է երեկ երեկոյան։ Այս մասին հաղորդում է «Ազատություն» ռադիոկայանը։
Շաբաթ օրը 68-ամյա Բրայսոնը գտնվում էր Կալիֆոռնիայում։ Այստեղ նա մեքենայով մխրճվել է դիմացը կանգնած մեքենայի մեջ, որից հետո, մի քանի րոպե բանակցելով դիմացի մեքենայի վարորդի հետ, լքել է դեպքի վայրը՝ հերթական անգամ հարվածելով այդ մեքենային։ Որոշ ժամանակ անց նա բախվել է մեկ այլ մեքենայի։ Ավելի ուշ նախարարին հայտնաբերել են անգիտակից վիճակում։
Բրայսոնին տեղափոխել են տեղի հիվանդանոց, ապա Վաշինգտոն։ Իշխանությունները կտրականապես բացառում են, որ ավտովթարների պատճառը ալկոհոլն ու թմրանյութերն են։
