Երեկ հայտնի է դարձել առաջին լրագրողի սպանության մասին, որը լուսաբանում էր Եգիպտոսում տեղի ունեցող իրադարաձությունները:
Associated Press գործակալության փոխանցմամբ` 36-ամյա Ահմեդ Մուհամադ Մահմուդը հրազենային վնասվածք է ստացել իր բնակարանի պատշգամբում, երբ նկարահանելիս է եղել փողոցում տեղի ունեցող բախումները: Կրակողի անձն անհայտ է: Լրագրողին ծանր վիճակում տեղափոխել են հիվանդանոց, որտեղ էլ նա երեկ մահացել է: Ահմեդ Մուհամադ Մահմուդն աշխատել է «Al-Taavun» եգիպտական թերթում:
Հատկապես վերջին մի քանի օրերին լրագրողների վրա հարձակումների թիվը շեշտակի աճել է: Թերևս այս քայլով եգիպտական իշխանությունները փորձում են վախեցնել նրանց, որպեսզի լրագրողները հնարավորություն չունենան ներկայացնել, թե իրականում ինչ է կատարվում այդ երկրում:
