Երբ բելառուսական ընդդիմադիր ուժերը սկսել են ուսումնասիրել, թե որ պաշտոնյաներն են հայտնվել ԵՄ ցուցակում, որով նրանց արգելվում է այցելել Եվրամիության անդամ երկրներ, պարզել են, որ ցուցակում հանգուցյալի անուն էլ կա: Այս մասին գրում է բելառուսական Народная воля պարբերականը:
Հանգուցյալը մի քանի տարի առաջ մահացած Միխաիլե Պիշուլենկեն է, որը գլխավորել է Վիտեբսկի ընտրական հանձնաժողովը:
Բելառուսական իշխանություններն անմիջապես հայտարարել են, թե այն փաստը, որ մի քանի տարի առաջ մահացածը հայտնվում է սև ցուցակում, վկայում է, որ այն ԵՄ պաշտոնյաներին չի հետաքրքրում, որ նրանց համար ինքնանպատակ է նման ցուցակ կազմելը: Այս մասին հայտարարել է ԿԸՀ ներկայացուցիչը:
Հիշեցնենք, որ Եվրամիության կողմից բելառուսական իշխանությունների նկատմամբ կիրառվում են պատժամիջոցներ: Կազմվել է բելառուսական այն պաշտոնյաների ցուցակը, որոնք այս կամ այն կերպ նպաստել են վերջին նախագահական ընտրությունների ժամանակ տեղի ունեցած ընտրակեղծիքներին:
