Աշխարհահռչակ ավտոարտադրող ճապոնական Mazda ընկերության հայաստանյան ներկայացուցչությունը՝ «Թոփ մոտորս» ընկերությունը հունիսի 4-9-ը Երևանի կենտրոնում՝ Հյուսիսային պողոտայի սկզբնամասում, քաղաքացիներին հնարավորություն է տվել ավելի անմիջական միջավայրում ծանոթանալ ավտոմեքենաների 4 մոդելների հետ: Միջոցառման առաջին 3 օրերին ներկայացվել են CX7-ը և CX9-ը, հաջորդ 3 օրերին՝ Mazda3-ը և Mazda6-ը:
Ընկերության վաճառքի գծով տնօրեն Վլադիմիր Հովսեփյանն «Առաջին լրատվական»-ին տեղեկացրեց, որ նման միջոցառում առաջին անգամ է իրականացվում, գովազդի ու մեքենան ավտոսիրողներին ներկայացնելու այս տարբերակի համար ընտրվել է մի վայր, որ գտնվում է Երևանի սրտում, որտեղ հոծ զանգված է կազմում միջին և բարձր խավը: Նրա խոսքերով՝ ավտոսրահ այցելությունը ոչ միշտ է հարմար լինում, և այս նախաձեռնության շրջանակներում պատրաստված մասնագետներն ավտոսիրողներին ներկայացնում են ավտոմեքենաների տեխնիկական հնարավորությունները:
«Այստեղ ավտոսիրողները կարող են լսելու փոխարեն շփվել, ստանալ տեղեկություններ և տեղում ճիշտ կողմնորոշվել բրենդի մասին: Հայաստանում մեքենան առաջին հերթին ընտրում են տեսքով, հետո՝ գնով, բայց մեքենան կոշիկ չի, որ ամեն օր կարողանաս փոխես: Մեքենային մենք վստահում ենք մեր ու մեր հարազատների կյանքը և ընտրելիս պետք է ավելի խորը մտածել»,- ասաց Վ. Հովսեփյանը:
Նրա կարծիքով՝ Mazda-ն առանձնանում է իր բացառիկ որակով, ոչ մեծ քանակությամբ արտադրվում է միայն Ճապոնիայում և իր մեջ ամփոփում է ճապոնական ոգին: Ընդ որում՝ Mazda-ն կարգախոս է ընտրել «զում-զում» արտահայտությունը, որով երեխաները խաղի ժամանակ արտահայտում են շարժիչի միացնելը: «Այսինքն՝ շարժիչ, դինամիկ, արագություն, ենթարկվելիություն, սպորտային պահվածք, սպորտային ինքնատիպ դիզայն: Այս ամենի համադրությունն է Mazda-ն: Մենք էլ փորձում ենք այդ համադրությունը լավագույնս ներկայացնել, որ ճիշտ ընտրեն»,- նշեց Վ. Հովսեփյանը:
Նա հայտնեց, որ վերջին 1 տարում պահանջարկի նկատելի աճ կա, իսկ այս տարվանից սկսած գործարանը տրամադրում է այնպիսի մեքենաներ, որոնք 2-2.5 տարվա ուսումնասիրության արդյունքում լավագույնս համապատասխանեցված են ՀՀ ճանապարհային և վառելիքային պայմաններին: «Թոփ մոթորս» ընկերությունն իրականացնում է երաշխիքային սպասարկում ավտոմեքենաների 3 տարի կամ 100 հզ. կմ վազքի դեպքում: Մեքենաները կարելի է ձեռք բերել նաև ապառիկով՝ 7% կանխավճարով և մինչև 7 տարի մարման ժամկետով: