«ՀԺ»-ն գրում է, որ երեկ, վերջին մեկ տարվա ընթացքում նիստերի ավելի քան կեսից բացակայելու հիմքով, վաղաժամկետ դադարեցվեցին Իջևանի ավագանու երեք անդամների` Գարիկ Սուքոյանի, Հրաչյա Ներսիսյանի և Կարեն ներսիսյանի լիազորությունները: Այս մասին նիստին ներկայացած ավագանու յոթ անդամներին տեղեկացրեց քաղաքապետ Վարդան Ղալումյանը:
«Հիշեցնենք, որ Իջևանում համայնքի բյուջեն մինչ երեկ չէր հաստատվել՝ ավագանու նիստերին քվորում չապահովելու պատճառով: Նիստերը բոյկոտում էին ավագանու յոթ անդամներ, որոնք նախկին քաղաքապետ Վարուժան Ներսիսյանի կողմնակիցներն են: Այսպիսով, ավագանին այլևս 15-ի փոխարեն ունի 11 անդամ և երեկվա նիստում, փաստորեն, ներկա էր մեծամասնությանը, որն էլ հաստատեց համայնքի քառամյա ծրագիրը և 2012-ի բյուջեն:
Առաջիկայում կներկայացնենք նաև ավագանու՝ լիազորություններից զրկված անդամների տեսակետը»,- հավելում է թերթը:
