Իրանական Mehr News լրատվական գործակալության փոխանցմամբ՝ Իրանի նավթարդյունաբերության նախարար Ռոստեմ Ղասեմին Նավթ արտահանող երկրների միության (OPEC) գործող ղեկավարին հղած իր նամակում նշել է, թե իրենք ում թեկնածությունն են առաջադրում 2013 թվականին տվյալ կառույցի գլխավոր քարտուղարի պաշտոնում:
Նամակում նշված է, որ իրանական կողմը հաջորդ տարվա համար առաջադրում է Իրանի նավթարդյունաբերության նախկին նախարար, Իրանի ազգային նավթային ընկերության նախկին ղեկավար Ղոլամ Հուսեին Նոզարի թեկնածությունը:
OPEC-ի ներկայիս լիբիացի գործող ղեկավար Աբդալլահ Սալեմ Էլ-Բադրին զբաղեցրած պաշտոնը լքելու է այս տարվա դեկտեմբերի 31-ին: Սաուդյան Արաբիան, Իրաքն ու Էկվադորը նույնպես առաջ են քաշել իրենց ներկայացուցիչների թեկնածությունն այդ պաշտոնում:
