«Եգիպտոսի ազգային ճակատը», որն իր մեջ միավորում է լիբերալ-դեմոկրատական տասնյակ կուսակցությունների, կոչ է արել երկրի զինվորական իշխանություններին նախքան նախագահական ընտրությունների երկրորդ փուլը նոր Սահմանադրական հռչակագիրն ընդունել:
Ճակատի ներկայացուցիչները նշել են, որ նոր փաստաթղթում պետք է հստակ ձևակերպված լինեն նոր պետության նախագահի լիազորությունները և որոշվի Սահմանադրական հանձնաժողովի ձևավորման նոր սկզբունքը: Հայտարարության մեջ նշվում է, որ նրա կազմը պետք է «արտացոլի եգիպտական հասարակության բոլոր խավերի շահերը»:
Հաղորդվում է, որ զինված ուժերի բարձրագույն խորհրդին ուղղված ուղերձն ընդունվել է իսլամական «Մուսուլման եղբայրներ» շարժման հետ անարդյունք բանակցություններից հետո, որոնք դեմ են հանդես գալիս Սահմանադրական հանձնաժողովում փոփոխություններին:
Հիշեցնենք. այժմ Եգիպտոսի հիմնական օրենքին փոխարինում է Սահմանադրական հռչակագիրը, որն ընդունվել է անցյալ տարվա մարտին: 2012 թ. սկզբին ստեղծված Սահմանադարական հանձնաժողովը պետք է ձևավորեր նոր հիմնական օրենքը դեռ նախքան նախագահական ընտրությունները: Սակայն դա նրանց չհաջողվեց, և հանձնաժողվը գործնականում լուծարվեց:
Եգիպտոսի նախագահական ընտրությունների երկրորդ փուը տեղի կունենա հունիսի 16-17-ը: Դրան կմասնակցեն նախկին վարչապետ Ահմեդ Շաֆիկը և «Մուսուլման եղբայրների» ներկայացուցիչ Մուհամմադ Մուրսին:
