Վրացական «Կվիրիս պալիտրա» թերթի փոխանցմամբ՝ մոտ ապագայում վրաց հասարակությունն ականատես կլինի, թե ինչպես են զանգվածաբար զբաղեցրած պաշտոնները լքում տարբեր ոլորտների պետծառայողներ:
Թերթի աղբյուրները հայտնում են, որ այդպիսի տրամադրվածություն է նկատվում բազմաթիվ պետկառույցներում: Թերթն ընդգծում է, որ դա «նախադեպի ուժն» է՝ հիշեցնելով, որ Ազգային փորձարարական կենտրոնից հեռացել են մինչև 60 աշխատակիցներ՝ անարդար համարելով իրենց ղեկավար Մայա Միմինոշվիլիի հեռացումը, որի որդին ու եղբայրը չեն թաքցնում իրենց ընդդիմադիր հայացքները:
Թերթի աղբյուրները հավելում են, որ մենթալ առումով տարբեր կառույցների ներկայացուցիչներ պատրաստ են մի ճամբարից անցնել մյուսը, ընդ որում՝ ուժային կառույցները նույնպես չեն ցանկանում դեմ գնալ ժողովրդին: Իրավիճակն արմատականորեն փոխվել է, և ահաբեկմանն ուղղված իշխանությունների մարտավարությունն այլևս արդյունավետ չէ:
