Ադրբեջանական Salam News գործակալության փոխանցմամբ՝ ԱՄՆ նախագահ Բարա Օբամային արտաքինով նման ադրբեջանցի Ասիֆ Մուսթաֆաևին չեն թույլատրել մուտք գործել Իրան։ Նա Իրան պետք է ժամաներ մոսկովյան թատրոնի պետության ղեկավարների նմանակների կազմում՝ շոու տալու համար: Նրան զգուշացրել են, որ կձերբակալվի, եթե հատի Իրանի սահմանը:
Մուսթաֆաևը նշել է. «ԱՄՆ նախագահ Բարաք Օբամային նման լինելու պատճառով ինձ չթողեցին մուտք գործել Իրան: Կարծում եմ, որ դրա պատճառն Իրանի ու ԱՄՆ-ի փոխհարաբերություններն են: Ավելի վաղ խոստացել էին ապահովել իմ անվտանգությունը Մոսկովյան թատրոնի պետության ղեկավարների նմանակների կազմում Իրան այցելելիս: Սակայն այցից երկու օր առաջ իրանական կողմը զգուշացրեց, որ կձերբակալի ինձ, եթե ես հատեմ իրենց սահմանը: Սա ընդամենը նմանակների շոու է, մինչդեռ իրանական կողմը քաղաքականացրեց այդ հարցը»: