ԱԺ ՀՀԿ-ական պատգամավոր Վազգեն Կարախանյանը շատ է սիրում Գառնիի հեթանոսական տաճարը, քանի որ հիշողության կանչը պատգամավորին տանում է դեպի նախաքրիստոնեական ժամանակները.
«Չնայած այն Երևանում չէ, բայց շատ սիրում եմ Գառնիի տաճարը, ոչ թե նրա համար որ քրիստոնեությունը չեմ սիրում, այլ ուզում եմ վերապրել այն, թե ինչ է զգացել Արտաշես Աշխարհակալը, ինչպես է մտածել Տիգրան Մեծը, թե Հայաստան աշխարհն ինչ գործընթացների մեջ պետք է լինի, որ ավելի հզոր լինի»:
Իսկ Երևանում պատգամավորը բարձր է գնահատում կառավարության և նախարարությունների շենքերը:
Կարծում է նաև, որ ՀՀՇ-ի լավագույն գործերից մեկը Լենինի արձանի ապամոնտաժումն ու հանումն է.
«Շատ լավ արեց ՀՀՇ-ն, որ Լենինի արձանը հանեց, բայց շատ վատ է, որ տեղը թափուր է մնացել: Կարծում եմ, որ այդ տեղը կարելի է շատ սիմվոլիկ արձան տեղադրել, որ Աստծու հետ կապը անպայման խորհրդանշի: Սիրում էի Օպերայի շենքը, հիմա հեռվից եմ սիրում, որովհետև սրճարանները անանցանելի են դարձնում այդ հատվածը, ինձ համար դա անընդունելի տարբերակ է»:
Պատգամավորն իր ընկերների հետ արմատական հարցեր քննարկելու համար նախընտրում է Գառնիի հեթանոսական տաճարը. «Երբ լուրջ խոսակցություններ ունենք քննարկելու, անկեղծ եմ ասում, գնում ենք Գառնիի հեթանոսական տաճար և քննարկում»: