Ադրբեջանական 1news.az-ի փոխանցմամբ՝ Հռոմի պապ Հովհաննես Պողոս 2-ի հուշարձանի բացման հանդիսավոր արարողությունը Բաքվում գտնվող կաթոլիկ եկեղեցու մոտ տեղի կունենա հունիսի 10-ին: Այս մասին հայտարարել է Բաքվի կաթոլիկ եկեղեցու ղեկավար Վլադիմիր Ֆեկետեն:
Վերջինիս խոսքերով՝ Հռոմի Պապի հուշարձանը պատրաստել են իտալացի վարպետները, և այն արդեն իսկ բերվել է Բաքու: Ֆեկետեն նշել է, որ հունիսի 10-ի ընտրությունը պայմանավորված է նրանով, որ համընկնում է 10 տարի առաջ Հովհաննես Պողոս 2-ի Բաքու կատարած այցի ժամկետին:
Պապի հուշարձանի բացման արարողությանը ներկա է գտնվելու Վատիկանի պատվիրակությունը:
