Մոդել Նատալյա Վոդյանովան Facebook-ի իր էջում պաստառ է հրապարակել՝ հրավիրելով մասնակցել « Play4life.իմաստալից ֆուտբոլային խաղ»-ին, որն անցկացնում է «Մերկ սրտերը» բարեգործական հիմնադրամը: Պաստառին կից մոդելը ներկայացրել է լուսանկարների ալբոմը, որտեղ նա ներքնազգեստով ֆուտբոլ է խաղում:
Վոդյանովայի խոսքով՝ մինչ խաղը, որը կանցկացվի հունիսի 1-ին, նա ամեն օր նկարահանումներ ունի, այդ իսկ պատճառով ստիպված է մարզվել հենց ֆոտոսեսիայի ժամանակ: Ֆոտոսեսիան արվում է Etam բրենդի համար: Այդ պատճառով Վոդյանովան միաժամանակ գովազդել է իր ղեկավարած հիմնադրամի միջոցառումը և Etam բրենդի շրջանակում թողարկված հերթական ներքնազգեստը:
Բարեգործական խաղը կանցկացվի երեխաների պաշտպանության օրը «Լուժնիկի» մարզադաշտում: «Մերկ սրտերը» բարեգործական հիմնադրամից բացի՝ խաղի կազմակերպիչն է համարվում ՌԴ կառավարությունը: Խաղին կառավարությունը կներկայացնի «Ռոսիչ» թիմը, որը գլխավորում է փոխվարչապետ Արկադի Դվորկովիչը, իսկ «Մերկ սրտերի» հավաքականը՝ Վոդյանովան:
Վոդյանովայի թիմում կխաղան ֆուտբոլիստ Սամուել Էտոն, «Սպարտակ» ֆուտբոլային ակումբի վետերան Վլադիմիր Բեզսչաստնիխը, Դմիտրի Մալիկովը, Բորիս Ելցին-կրտսերը և GQ Russia ամսագրի գլխավոր խմբագիր Միխաիլ Իդովը:
Ֆուտբոլային խաղը նպատակ ունի ուշադրություն սևեռել Ռուսաստանում հաշմանդամության խնդրի վրա: Նատալյա Վոդյանովան Etam-ի դեմքն է հանդիսանում 2009 թվականից: Հենց այդ տարվանից մոդելը բրենդի շրջանակում թողարկում է «Նատալյան Էտամի համար» սեփական ներքնազգեստները:
