Պակիստանի Փեշավար քաղաքում փետրվարի 2-ին հզոր պայթյուն է տեղի ունեցել, որի արդյունքում 9 մարդ է զոհվել, այդ թվում` 3 երեխա: Բացի այդ, ավելի քան 20 քաղաքացի վիրավորվել է:
«Մեզ մոտ բերել են 9 զոհվածների դիակները, որոնց թվում են 3 երեխա և մեկ կին»,- ասել է քաղաքային հիվանդանոցի տնօրեն Աբդուլա Համիդա Աֆրիդին:
Պայթյունը տեղի է ունեցել Բադաբար քաղաքի ոստիկանության շենքի մոտ: Ինչպես հայտնում է РИА Новости գործակալությունը, նախնական տվյալներով, պայթուցիկ սարքը տեղադրված է եղել փողոցում կայանված մեքենայի մեջ:
Հիշեցնենք, որ հունվարի 31-ին ահաբեկիչների հարձակման հետևանքով զոհվել էր քաղաքային ոստիկանության պետի տեղակալ Ռաշիդ Խանը:
ԶԼՄ-ների տված գնահատականի համաձայն, 2007 թվից սկսած՝ Պակիստանում ահաբեկչական գործողությունների զոհ է դարձել մոտավորապես 3,5 հազար մարդ:
