Իրանական IRNA լրատվական գործակալության փոխանցմամբ՝ Ճապոնիան մտադիր է պահպանել Իրանի հետ տնտեսական կապերի մակարդակը՝ չնայած Իրանի հանդեպ սահմանված պատժամիջոցներին: Այս մասին հայտարարել է Իրանում Ճապոնիայի դեսպան Կինչի Կոմանոն:
Վերջինիս խոսքերով՝ Ճապոնիան չի աջակցում հակաիրանական պատժամիջոցներին, որոնք խնդիրներ են ստեղծում ոչ միայն Իրանի, այլ նաև նրա հետ առևտրային հարաբերություններ ունեցող բոլոր ընկերությունների հետ:
Կոմանոն հավելել է, որ Ճապոնիան շարունակում է Իրանի հետ տնտեսական համագործակցությունը, ինչը նաև վերաբերում է նավթային ոլորտին: