Հարուստների և աղքատների միջև տարբերությունները սկսել են ի հայտ գալ ավելի վաղ, քան մենք կարող ենք մտածել: Ք.Ա. 5000 թվականին, մինչ եգիպտացիները կստեղծեին բուրգերը, եվրոպացիներն արդեն բաժանված էին հարուստների և աղքատների:
Daily Mail-ը գրում է, որ Եվրոպայի տարբեր հատվածներում գերեզմանների ուսումնասիրությունները հնարավորություն են տվել պարզել, որ 7000 տարի առաջ որոշ հողատերեր ունեին առավել լավ հողատարածքներ և գործիքներ, և գործիքներն էլ թաղվում էին իրենց հետ միասին: Որոշ հողատերեր հարուստ էին, մինչդեռ մյուսները սովամահ էին լինում անգամ այն ժամանակ, երբ աշխարհի բնակչությունը կազմում էր 5-7 միլիոն մարդ, և գյուղատնտեսությունը նոր էր սկսել տարածվել Եվրոպայում:
Երեխաներն էլ, ժառանգելով իրենց ծնողների ունեցվածքը, ստեղծում էին ժառանգական անհավասարակշռություն: Ուսումնասիրությունն իրականացրել է պրոֆեսոր Ալեքս Բենթլին: Նա հետազոտել է մարդկային ավելի քան 300 կմախքներ ողջ Եվրոպայում:
