Ըստ քաղաքագիտական այբուբենի, երկպալատանի խորհրդարանը որևէ առնչություն չունի և չի կարող ունենալ սփյուռքահայությանը Հայաստանի խորհրդարանական աշխատանքներին մասնակից դարձնելու գործում:
Ինչ խոսք, այսօր ավելի քան ակնհայտ և անհրաժեշտ է, որ Սփյուռքը լրջորեն աջակցի մեր Հայրենիքի հասարակական-քաղաքական կյանքի ամրապնդմանը: Իսկ, ՀՀ օրենսդրությունը վաղուց ունի հնարավորություն դա իրականություն
դարձնելու համար, մնում է միայն, որ հհկականները խոչընդոտներ չստեղծեն և, Ընտրական օրենսգրքի իբր ժողովրդավարական քննարկումներում, հնարավորություն տան քննարկելու ԱԺ ընտրական համակարգի վերաբերյալ, դեռևս, անցյալ տարի
ներկայացված առաջարկությունները:
Ավելին, մեր երեք ավանդական կուսակցությունները, չնայած պարտադրված օրինախախտումներին, փաստորեն վաղուց են փորձում իրականացնել գլխավոր հհկականի «սենսացիոն» մտադրությունը` մասնակցելով ՀՀ խորհրդարանի ընտրություններին:
Խնդիրը միայն նրանում է, որ դա կատարվում ըստ իշխանությունների նախընտրության, քանի որ ՀՀ ընտրական համակարգը գտնվում է մտածված անմխիթար վիճակում և որի շտկելու վերաբերյալ ճիշտ կլինի, որ հհկականները
սենսացիաներ փնտրեն:
Իսկ Նախագահականի կազմակերպած երեկվա իբր սենսացիոն լուրը, հավանաբար, հերթական «աժիոտաժային» գործիքն է նախընտրական գործընթացներում հասարակության ուշադրությունը իրական խնդիրներից շեղելու ուղղությամբ:
…Ինչպես օրինակ, ֆուտբոլային դիվանագիտությունը հետընտրական գործընթացներում:
