«Երևանի սիրելի հուշարձանները» խորագիրը կրող շարքում ՀՀՇ վարչության նախագահ Արամ Մանուկյանը ներկայացնում է իր սիրելի հուշարձանները.
«Ես հավանում եմ բոլոր այն հուշարձանները, որոնք անմիջական գետնի վրա են, հիմնականում բնական չափերի են և ավանդական էլեմենտ են պարունակում»:
Արամ Մանուկյանին շատ է դուր գալի հատկապես «Տղամարդիկ» ֆիլմի հերոսների կերպարներով կերտված արձանը.
«Շատ եմ սիրում Սարյան պուրակում գտնվող «Ֆրունզի» արձանը, շատ եմ սիրում Կարաբալայի, Առնո Բաբաջանյանի արձանները և ընդհանրապես բոլոր այն արձանները, որոնք հեռացված չեն դիտողից և գետնի վրա են: Այս տիպի հուշարձանները շատ ավելի գրավիչ են, ավելի անմիջական»:
Արամ Մանուկյանը իր ընկերների հետ հաճախ հանդիպում է «Տղամարդիկ» ֆիլմի հերոսների արձանի մոտ.«Մենք ընդդիմադիրներով հավաքվում ենք Սարյան պուրակում, քանի որ շատ հեշտ է և շատ հաճելի Ֆրունզի արձանի մոտ: Դա շատ կիրառական է և շատ ընդունելի: Եվրոպական երկրներում էլ հարգի են այն արձանները, որոնք գետնին կպած են, որոնք անմիջական են և քո հետ կոնտակտի մեջ են մտնում»: