Ռուսաստանի արտաքին գործերի նախարար Սերգեյ Լավրովը ՆԱՏՕ-ի ղեկավարությանը փոխանցել է մի փաստաթուղթ, որտեղ իր երկիրը Հյուսիսատլանտյան դաշինքից պահանջում է դաշինքի անդամ նոր երկրներում չտեղադրել «էական ռազմական ուժեր»: Այս մասին հաղորդել է Коммерсант-ը:
Այդ ամենն, թերթի փոխանցմամբ, պետք է մեծացնի կանխատեսելիությունը ռուսական սահմանների մոտ:
ՆԱՏՕ-ում, հաստատելով այդ փաստաթուղթն ստանալու փաստը, ընդգծել են, որ մի քանի հարյուր զինվորականի տեղակայումը Եվրոպայում չի նշանակում «էական ռազմական ուժերի» տեղաբաշխում: Վաշինգտոնի տեսակետից` 3-5 հազար զինվորականը Բուլղարիայում եւ Ռումինիայում էական ռազմական ուժ չի, մինչդեռ ռուսական կողմն այլ կերպ է կարծում: