Եգիպտոսի նախագահ Հոսնի Մուբարաքը պետք է լսի իր ժողովրդի պահանջները: Այս մասին «Արդարություն և զարգացում» կուսակցությանն ուղղված ելույթում ասել է Թուրքիայի վարչապետ Ռեջեփ Թայիփ Էրդողանը:
«Լսեք ժողովրդի ճիչը և չափազանց մարդասիրական պահանջները»,- ասել է Էրդողանը: Ըստ նրա՝ բռնաճնշումներով գոյատևող կառավարությունների ժամանակաշրջաններն ավարտվել են: «Ոչ մի կառավարություն չի կարող գոյատևել ի հեճուկս իր ժողովրդի կամքի»,- ասել է նա:
Էրդողանը նաև նշել է, որ «մենք բոլորս մահկանացու ենք և անցյալում մեր գործածի համար պատասխան ենք տալու»: «Ընդունեք ժողովրդի ազատության պահանջներն առանց որևէ կասկածի»,- ասել է նա: Էրդողանն խոսել է նաև թուրք և եգիպտացի ժողովուրդների հարաբերությունների մասին` նշելով, որ թուրքերը միշտ կլինեն եգիպտացիները կողքին` ուրախության, թե տխրության ժամանակ:
Ըստ Էրդողանի՝ այս խնդրի լուծումը գտնվում է քվեատուփում. սա ակնարկ է, որ ներքաղաքական իրավիճակը կարելի է հանդարտեցնել միայն ընտրությունների միջոցով:
Հիշեցնենք, որ այս պահին այսպես կոչված «միլիոնների երթին» ավելի քան 100,000 ցուցարարներ հավաքվել են Կահիրեի կենտրոնում, որտեղից նրանք պատրաստվում են ուղղվել դեպի նախագահական նստավայր:
