Ֆինլանդիայի Տամպեր քաղաքի մանուկների զվարճանքների Särkänniemi այգում ամռան սեզոնը բացվել է նոր թեմատիկ գոտիով, որը նվիրված է աշխարհում հայտնի համակարգչային Angry Birds խաղին:
Angry Birds–ի կենտրոնում 12 կարուսել և ճեպընթաց ատրակցիոն կա, այգին ունի արկածային գոտի, համակարգչային խաղերի մոտիվներով խաղեր, սրճարան: Սա Angry Birds–ի առաջին պաշտոնական թեմատիկ այգին է: Անցած տարի սեպտեմբերին Չինաստանում բացվել է լիցենզիա չունեցող Angry Birds ատրակցիոնների այգի:
Այգու այցելուները կարող են քաղաքն ու մոտակա լիճը վայելել 163 մետր բարձրություն ունեցող աշտարակի վրա տեղակայված ռեստորանից: Հետևելով Դիսնեյի օրինակին՝ Angry Birds –ը մտադիր է թեմատիկ այգիներ բացել եվրոպական այլ քաղաքներում ևս: Նշենք, որ համակարգչային խաղի ստեղծողը ֆիննական Rovio Entertainment ընկերությունն է: