Հայաստանը հայտնվել է Մարդու իրավունքների եվրոպական դատարանի վճիռները չկատարող երկրների շարքում:
ԵԽԽՎ-ն իր ընդունած 1787 բանաձևում նշում է, որ իրավունք է վերապահում դիմել համապատասխան գործողությունների, եթե տվյալ պետությունը շարունակի չձեռնարկել դատարանի վճռով համապատասխան միջոցներ կամ ազգային խորհրդարանը համապատասխան ճնշում չգործադրի կառավարության նկատմամբ դատարանի վճիռները կատարելու համար:
«Առաջին լրատվականը» Եվրոպայի խորհրդում Հայ ազգային կոնգրեսի ներկայացուցիչ, քաղաքագետ Արման Գրիգորյանից հետաքրքրվեց, թե ի՞նչ հետևանքներ կարող է ունենալ Հայաստանի համար Մարդու իրավունքների եվրոպական դատարանի վճիռները չկատարելը:
«Ես հույս ունեմ, որ դա դատարկ սպառնալիք չէ, և որ այդ որոշումների անտեսման դեպքում ԵԽԽՎ-ն իսկապես ինչ-որ կոնկրետ քայլեր կձեռնարկի: Ցավոք, մեր իշխանություններն ուրիշ լեզու չեն հասկանում»,- «Առաջին լրատվականի» հետ զրույցում նշեց Արման Գրիգորյանը:
