«Երկու-երեք հազար մարդու խնդիրը լուծելու համար չպետք է վտանգել երկու-երեք միլիոն մարդու առողջությունը»:
Լրագրողների հետ հանդիպման ժամանակ հայտարարեց ԱԺ պատգամավոր Մկրտիչ Մինասյանը՝ անդրադառնալով Երևան քաղաքում փողոցային առևտրի արգելման խնդրին։
Նա ասաց, որ քաղաքապետարանը քայլեր է ձեռնարկում փողոցային առևտրով զբաղվողներին աշխատանք տրամադրելու համար:
«Մենք, իհարկե, կողմ ենք քաղաքակիրթ առևտրին, սակայն լավ օրից չէ, որ մարդիկ առևտուր են անում փողոցներում»,- արձագանքեց հայրենական ապրանք արտադրողների միության նախագահ Վազգեն Սաֆարյանը:
Ըստ նրա` այսօր գործազրկությունը Հայաստանում բավականին լուրջ խնդիր է. «Պաշտոնապես ունենք 71 հազար գործազուրկ, ոչ պաշտոնապես նրանց թիվը երեք անգամ ավելի շատ է»,- նշեց նա:
