Քանյե Ուեսթը նոր ֆիլմ կներկայացնի Կաննի կինոփառատոնում

Երգիչ Քանյե Ուեսթը Կանիի կինոփառատոնում կներկայացնի իր նոր կարճամետրաժ Cruel Summer ֆիլմը:

Associated press-ը հաղորդում է, որ ռեփ երգիչն այսօր հայտարարել է, որ ֆրանսիական փառատոնի ժամանակ ինքը ֆիլմը կներկայացնի չորեքշաբթի օրը:

Ուեսթի հաղորդմամբ՝ ֆիլմը դիտողներին սպասվում է կարճամետրաժ ֆիլմի և արվեստի համադրություն: Ֆիլմը հանրությանը հասանելի կլինի պրեմիերայից հետո ևս երկու օր:

Երգիչը նախկինում մի քանի անգամ հանդիսացել է իր սեփական տեսահոլովակների ռեժիսորը: