Չափազանց շատ կոֆեինը վտանգավոր է առողջության համար, բայց այժմ հետազոտողներն ասում են, որ սուրճ խմելը կարող է երկարացնել կյանքը:
Daily Mail-ը գրում է, որ 50-71 տարեկան 400.000 մարդկանց շրջանում արած ուսումնասիրությունից հետո հետազոտողները պարզել են, որ սուրճը կարող է նվազեցնել տարբեր հիվանդություններից մահանալու հավանականությունը:
Այդ հիվանդությունների շարքին են դասվում սրտային հիվանդությունները, տարբեր վարակները, սրտի կաթվածը, վնասվածքները, շաքարախտը և այլն:
The New England Journal of Medicine ամսագրում հրատարակված հետազոտությունը, որն իրականացվել է ԱՄՆ-ի քաղցկեղի ազգային ինստիտուտի կողմից, ևս մեկ անգամ ապացուցում է, որ սուրճի սիրահարներն ավելի առողջ են:
