Apple ընկերության համահիմնադիր Ստիվ Ջոբսի կենսագրության մասին Ուոլտեր Այզեկսոնի բեսթսելլեր դարձած գրքի էկրանավորմամբ կզբաղվեն Sony Pictures կինոստուդիան և «Սոցիալական ցանց» ֆիլմի սցենարիստը:
Ահարոն Սորկինը, որը Օսկար է ստացել Facebook-ի հիմնադիր Մարկ Ցուկերբերգի կենսագրական «Սոցիալական ցանց» ֆիլմի սցենարի համար, ստանձնել է հերթական ինքնակենսագրականը կինոադապտացնելու պատասխանատվությունը:
«Ստիվ Ջոբս» կենսագրականը, որը դարձել է 2011 թվականի ամենավաճառվող գրքերից մեկը, հիմնված է բացառիկ հարցազրույցների վրա, որոնք Ստիվ Ջոբսը տվել է գրքի հեղինակին: Այզեկսոնի գրած կենսագրականը Ջոբսի կյանքի մասին պատմող ամենավստահելի աղբյուրն է: Գրքում ընդգրկված են անձամբ Ջոբսի հետ արված 40 հարցազրույց և ավելի քան հարյուրը՝ նրա ընկերներից, ընտանիքի անդամներից, գործընկերներից և մրցակիցներից:
Ուոլթեր Այզակսոնը, որի գրչին են պատկանում նաև Ալբերտ էյնշտեյնի և Բեջամին Ֆրանկլինի կենսագրականները, միակ մարդն է, ում էության փակ Ջոբսը պաշտոնապես վստահել է գրել իր կենսագրությունը: Նա չհասցրեց այն կարդալ:
Սորկինը գրել է ավելի քան 10 լիամետրաժ ֆիլմերի սցենարներ, աշխատել հեռուստատեսությունում: Ստիվ Ջոբսի մասին ֆիլմի պրոդյուսերները կդառնան Սքոթ Ռուդինը, Մարկ Գորդոնը, Գայմոն Քեսեդին: Ֆիլմի ռեժիսորի և գլխավոր դերակատարի անունը դեռևս հայտնի չեն:
Հիշեցնենք, որ ավելի վաղ տեղեկություններ էին հայտնվել այն մասին, որ Ջոբսի դերի համար քասթինգում մասնակցում է նաև Ջորջ Քլունին:
Մինչ օրս Ստիվ Ջոբսի մասին ոչ մի ֆիլմ չի նկարահանվել, բացի «Սիլիկոնային հովտի ծովահենները»՝ նկարահանված Փոլ Ֆրեյբերգերի «Հրդեհ հովտում» գրքի հիման վրա: Ջոբսին դուրս էր եկել, թե ինչպես է Նոա Ուայլին մարմնավորում իրեն: