Վաշինգտոն նահանգի Քլարքսթոն քաղաքի բնակիչ Միք Քրեյգը հիվանդանոց է տեղափոխվել, երբ Wal-Mart հիպերմարկետում նրան բոժոժավոր օձ է խայթել:
Ինչպես հաղորդում է BBC-ն, նա պատմել է, որ օձը խայթել է իր ձեռքը, երբ ինքը փորձում էր հող գնել մարիխուանա աճեցնելու համար: Ընդ որում, Քրեյգը պնդում է, որ ինքը տանը բժշկական նպատակներով մարիխուանա աճեցնելու թույլտվություն ունի:
Հիպերմարկետի ղեկավարությունը ներողություն է խնդրել տուժածից՝ խոստանալով պարզել՝ ինչպես է օձը հայտնվել այնտեղ:
Միջադեպի ականատես Մարիա Ջեֆրին լրագրողներին պատմել է, որ օձն ուներ ավելի քան 30 սմ երկարություն:
