Երեկ Անգլիայի հարավ-արևելքում գտնվող Սենդվիչ քաղաքը նշում էր համանուն կերակրատեսակի ստեղծման 250-ամյակը:
Սենդվիչի հեղինակը տեղի կոմսն է: Ըստ լեգենդի՝ Սենդվիչ քաղաքի 4-րդ կոմս Ջոն Մոնտեգյուն մոլի տարված էր թղթախաղով: Նա ժամերով չէր կարողանում կտրվել խաղասեղանից, նույնիսկ երբ սոված էր: 1762 թվականին նա հրամայեց ծառաներին հացի երկու կտորի մեջ ռոստբիֆ դնել, որպեսզի կարողանա ընթրել՝ առանց խաղից կտրվելու: Հենց դա էլ սենդվիչի ստեղծման սկիզբն էր:
Միջոցառումների շրջանակում ցուցադրվել է սենդվիչի ստեղծման թատերական ներկայացում, անցկացվել համերգ և բուտերբրոդների պատրաստման լավագույն բաղադրատոմսի մրցույթ:
Վիճակագրության համաձայն` սենդվիչի բրիտանական արտադրության ու վաճառքի տարեկան շրջանառությունը 9,6 միլիարդ դոլար է: 60 միլիոն բրիտանացիներ ամեն օր ուտում են 11,5 միլիարդ սենդվիչ, որից 3 միլիարդը գնում են, իսկ մնացածը` պատրաստում տանը:
