Այսօր Եվրոպական ուսանողների ֆորում (AEGEE) միջազգային ուսանողական կազմակերպության Երևանյան գրասենյակը կազմակերպել էր մեկօրյա անվճար դասընթաց՝ երիտասարդներին աշխատանք գտնելու համար անհրաժեշտ հմտություններ փոխանցելու նպատակով, ինչպես նաև երիտասարդների շրջանում գործազրկությունը կրճատելու հիմնախնդրով։ Դասընթացի մասնակիցներին ծանոթացրին հաջողված ինքնակենսագրական և ուղեկցող նամակ գրելու հմտություններին, նաև սովորեցին՝ ինչպես նախապատրաստվել գործատուի հետ հարցազրույցին։ Մասնակիցները տեղեկացան տարբեր աշխատանքային, կրթական և կամավորական հնարավորությունների մասին: Դասընթացին մասնակցում էին ներկայացուցիչներ Երիտասարդների մասնագիտական կողմնորոշման կենտրոնից, Գերմանական ակադեմիական փոխանակման ծառայությունից (DAAD), Միջազգային հետազոտությունների և փոխանակման խորհրդից (IREX), Erasmus Mundus փոխանակման ծրագրից և այլ կազմակերպություններից: