Թուրքական Cumhuriyet թերթի փոխանցմամբ՝ Թուրքիայի արևելյան հատվածում ընկած Թունջելի (նախկին Դերսիմ) նահանգի Փյուլումյուրի շրջանում միմյանց են բախվել թուրքական անվտանգության ուժերն ու Թուրքիայում ահաբեկչական հռչակված ու արգելված «Քրդստանի աշխատավորական» կուսակցության (PKK) զինյալները:
Դա տեղի է ունեցել այն բանից հետո, ինչ Ալաջըք գյուղի մոտ PKK-ի տեղադրած ականի վրա պայթել է մեկ թուրք զինծառայող, ինչի հետևանքով նա զոհվել է: Դրանից հետո թուրքական անվտանգության ուժերն օդային աջակցությամբ սկսել են օպերացիաներ իրականացնել տարածաշրջանում:
Մայիսի 4-ին էլ Ալաջըքի մոտ տեղի ունեցած բախման ժամանակ զոհվել էր երեք թուրք զինծառայող, որոնցից մեկը՝ ենթասպա:
