ՌԴ նախագահ Վլադիմիր Պուտինը Հայրենական մեծ պատերազմի հաղթանակի օրվա կապակցությամբ շնորհավորել է բոլոր ռուսներին, առաջին հերթին` վետերաններին: Ելույթ ունենալով Կարմիր հրապարակում` ռազմական շքերթում, նա հիշեցրել է, որ «67 տարի առաջ ջախջախվեց նացիզմը` սարսափելի ու ցինիկ ուժը: Ու մենք իրավունք չունենք մոռանալ, թե ինչպես է այն ծնվել, ամրացել ու հղփացել ամբողջ աշխարհի աչքի առաջ: Ինչպես են բարբարոսները ցանկացել ոչնչացնել ամբողջ ժողովուրդներ, դառնալ պետություների ու մայրցամաքների ճակատագիրը որոշողը»,- ըստ ITAR-TASS գործակալության ասել է Պուտինը:
«Պետք է ևս մեկ անգամ խոստովանել, որ նացիստների ագրեսիվ մտադրությունները ժամանակին չեն ստացել իրենց համարժեք պատասխանը, որ երկրների անջատողականությունը, գաղափարական դիմակայությունը թույլ չտվեցին կանխարգելել Երկրորդ համաշխարհային պատերազմը»,- ասել է նա` ընդգեծելով, որ «մարդկությունը դրա համար ստիպված եղավ վճարել անչափելի գին»:
Պուտինն ընդգծել է, որ «մենք պարտավոր ենք հիշել` ինչու է սկսվել պատերազմը, և վերլուծել դրա դասերը: Չէ՞ որ դրանք մինչ օրս արդիական են»:
«Ռուսաստանը հետևողականորեն անցկացնում է աշխարհում անվտանգության ամրապնդման քաղաքականություն: Մենք ունենք մեծագույն բարոյական իրավունք` սկզբունքորեն ու համառորեն պնդել մեր դիրքորոշումները, քանի որ հենց մեր պետությունն է իր վրա վերցրել նացիզմի գլխավոր հարվածը, այն դիմավորել հերսական դիմադրությամբ, անցել ծանր փորձությունների միջով, որոշել պատերզմի ելքը, կործանել թշնամուն ու ազատություն բերել ամբողջ աշխարհի մարդկանց»,- շարունակել է Պուտինը:
