Հեռուստահաղորդավարուհի Քսենյա Սոբչակին ազատ են արձակել:
Հիշեցնենք, որ երեքշաբթի օրը նա Տվերսկայա փողոցում ձերբակալվել էր Մոսկվայի կենտրոնում անցկացվող ընդդիմության չթույլատրված ակցիաների, այսպես կոչված` անժամկետ «քաղաքական զբոսանքների» ժամանակ:
Ավելի վաղ հաղորդվում էր, որ նրան սպառնում է ադմինիստրատիվ տուգանք միտինգների ու երթերի անցկացման կարգը խախտելու համար: Պետդումայի պատգամավոր Դմիտրի Գուդկովը, որը նույնպես ձերբակալվել էր, ազատ է արձակվել:
«Ազատել են, գնում ենք Պատրիարշիե պրուդի: Շնորհավորում եմ հաղթանակի օրվա կապակցությամբ»,- ինչպես տեղեկացնում է «Ռոսբալտը»,- գրել է նա իր միկրոբլոգում:
Սակայն Գուդկովն ու Սոբչակը գնացել են միանալու ընդդիմադիրներին Բարիկադնայա մետրոյի տարածքում:
Ավելի վաղ ձերբակալվել էր նաև «Ձախ ճակատի» առաջնորդ Սերգեյ Ուդալցովը: Ականատեսների վկայությամբ` օմօնականները մարդկանց զանգվածաբար կալանավորում ենևւ ծեծում ակտիվիստներին ու լրագրողներին:
Հիշեցնենք, որ երեկ` մայիսի 8-ին, ընդդիմության կողմնակիցները հավաքվել են Պուշկինի հրապարակում, որտեղից ոստիկանությունը նրանց դուրս էր հանել: Ապա նրանք շարժվել են դեպի Տվերսկայա փողոց, որտեղ մոտ 30 մարդ ձերբակալվել էր: