«Անձնական հիասթափություն չկա: Ըստ էության՝ պարզ դարձավ, թե ինչը հաղթեց մեր ընտրություններում: Կա ցավ, որ փողը որոշեց ընտրությունների ելքը: Չկար քաղաքացիական դիրքորոշում»,- այս մասին «Առաջին լրատվական» -ի հետ զրույցում ասաց ՀՅԴ համամասնական ցուցակով առաջադրված պատգամավորության թեկնածու Նվարդ Մանասյանը: Ըստ նրա՝ մեզ մոտ կատարելագործվում են ընտրական մեխանիզմները. «Այժմ մարդկանց անձնապես գնելու մոտեցմամբ է ընթանում գործընթացը: Եթե նախկինում ընտրատեղամասերում էր տեղի ունենում ամեն ինչ, հիմա ընտրատեղամասերից դուրս օգտագործում են բոլոր վարչական լծակները: Մարդկանց ձայները նախօրոք գնում են և ապահովում բարձր մասնակցություն: Իսկ բարձր մասնակցությունը, առանց գաղափարական կողմնորոշման ու քաղաքացիական դիրքորշման, հանգեցրին այս վիճակին»:
Այն հարցին, կեղծված են եղել ընտրությունները, թե ոչ, Մանասյանը պատասխանեց. «Ընտրությունները կեղծված չեն, պարզապես դրանք չեն արտացոլում քաղաքացիական ամբողջ ներկապնակը: Մարդիկ, ովքեր չէին մասնակցելու ընտրություններին, եկան և մանակցեցին՝ առանց գիտակցելու»:
