Ութոտնուկ Պաուլի մահը, որը հայտնի էր դարձել Ֆուտբոլի աշխարհի առաջնության ժամանակ նախ Գերմանիայի, ապա եւ մյուս խաղերի ճիշտ գուշակությամբ, դարձել է թիվ մեկ քննարկվող թեմաներից մեկը սոցիալական կայքերում:
Twitter-ում այն մտել է ամենաքննարկվող թեմաների լավագույն տասնյակի մեջ: Ամեն րոպե այդ ցանցում հայտնվում են տասնյակ նոր գրառումներ ութոտնուկի մասին: Հայկական Facebook-ում էլ է թեման լուրջ քննարկումների, կատակների առարկա դարձել: Ամենաակտիվ օգտատերերը տեղադրել են դրա մասին հրապարակումներ, իսկ հայկական գրեթե բոլոր ինտերնետ կայքերը տարածել են այս լուրը:
